طريقة اقتصادية لتزيين كيكة

اليوم جبتلكم طريقة اقتصادية لتزيين كيكة مثلا حبيتي ديري تارت ومعندكش الشيكولا الكافية للتزيين لا تقلقي تابعي فقط.

المقادير :

انا بالخبرة عيني ميزاني و لكن لما جربوها للمرة الأولى لازم تكيلو و من بعد رايحين تتعلموها راهي جدا سهلة وسريعة و ترجع عينكم ميزانكم ،
كاس و نصف سكر
* كاس و نصف كريم فراش و اللي ما عندهاش ممكن حليب فايض مسبقا و سخوووووون ، تتحصلي على نفس النتيجة ( ممكن كمية الحليب تكون أقل أو أكثر حسب الذوق ، تحبيها خفيفة أو ثقيلة و حسب الاستعمال ، يعني لما تستعمليها للمثلجات لازم تكون خفيفة وإذااستعملتيها لتغليف كيكة لازم ثقيلة )
* 3 ملاعق كبيرة زبدة
سهولة الوصفة تكمن في أن المقادير حتى وإن لم تكن دقيقة تصلح وما تفسدش

الطريقة :

1- ذوبي الزبدة ، ثم أضيفي السكر و خليه يذوب حتى يصبح كاراميل لما تبدأ الزبدة تنفصل عن السكر

( يعني الزبدة تطفو فوق السكر ) ما تخافوش هنا لازم تبداو تحركو بالمضرب اليدوي بمجرد ما تحركو

رايح يذوب السكر بسرعة لما يذوب السكر تماما ، نضيف الحليب قليلا قليلا( لازم يكون سخووون ) و نخلط

بالمضرب اليدوي بسرعة ، الحليب يضاف على دفعات كل مرة نسكب حوالي فنجان و حذاري تتحرقو لأنه

يفور و يعمل فقاعات

لنتيجة تتحصلي على خليط سائل يسموه البعض بالتوفي عندها طعم الكاراميل و لكن لينة لتستعمليها

في عدة وصفات ، مثلا :
بديل النستلي كاراميل في كل الوصفات

*طريقة اقتصادية لتزيين كيكة

تزيين كيكة

* تزيين المثلجات
* ممكن ديريها ثقيلة و تعمليها على شكل حلوة bonbon و تغلفيها ، الأولاد يفرحو بيها . الاضافة اللي ضفتها هي اني أضفت حوالي 4 أو 5 حبات شكلاطة و الطعم نتاعها يصبح روووعة
ممكن تبان خفيفة لما تكون سخونة لكن لما تبرد حطوها في الثلاجة على الأقل 3 ساعات ، رايحة ترجع ثقييييلة .
* نصائح :
– حضريها ليلة قبل الاستعمال ، باش تكون بردت مليح و تبانلك الكثافة نتاعها ، ممكن لما تكون مازالت جديدة تتخدعي فيها تبانلك جارية لكن لما تبرد لمدة تعرفي الكثافة الحقيقية
– استعملي إناء عميق باش لما تضيفي الحليب و يفور ما تتحرقيش
– إذا جاتك الصلصة ثقيلة بزاف سخنيها شوية و زيديلها شوية حليب
– ما تستعمليش حليب بارد ، ممكن يروب لما تحطيه على السكر سخون و يدير كتل
– ماتقويش النار رايح يتحرق السكر ومن بعد تقولولي جانا فيها ريحة وطعم الحريق وطعم مر ، مالازمش يتحرق الكاراميل.
– هذه المقادير تغلف حوالي 2 كيكات ،

صحيفة نبذة الإلكترونية – نضعكم في قلب الحدث ونرصد الأخبار أول بأول التي تشهدها الساحة العربية

خاصة أخبار مصر والسعودية، صحيفة نبذة الالكترونية نقدم الخبر بايجاز ليصلك بامتياز