طريقة مميزة لحلو الشعيرية

0
174 views
طريقة مميزة لحلو الشعيرية
طريقة مميزة لحلو الشعيرية

طريقة مميزة لحلو الشعيرية

نص بكيت شعيرية الغزال او اي شعيرية عادية تاعت الطبيخ بتحمصي الشعيرية بشوية زيت لا تكتري

ليصير لونها دهبي .. الشعيرية بتحمصيها بقلاية بيض او طنجرة صغيرة خليها تصير ع شقار و ازيلي الزيت عنها

( يعني صفي كل الزيت ) وديري الشعيرية بصينية متل اللي بالصورة
انه يكون حجمها صغير وبعدين اغمريها مي ( لا تكتري كتير مي بس غمرتها ) وحطي عليها فنجانين

ونص سكر وحركيه ودوقي حلاوته ازا بدك اكتر سكر زيدي واتركيه شوي لما يغلى وبتحطي فنجان

جوز هند ( حسب الرغبه ) ومعلقتين صغار مطفحين قرفة او اكتر حسب ما بتحبي يكون نكهة القرفة

فيه واضحة او لا وجوز حسب الرغبة بتكسريه ب ايدك ما تنعميه كتير وخليها تتنشف عالغاز شو

وتتطبخ مع بعضها يعني بس تشوفي الشعيرية نفشت و اطبخت مع الاشياء بتطفي عليها وخليها طرية

ما تنشفيها عالاخر و بتكوني مشغلة التحمير وحمري الوجه وطلعيها وانا دايما عندي قطر بس

اطلعها من التحمير بحطلها قطر بمقدار فنجان قهوة او ممكن اكتر حسب الرغبة بتطلع ازكا و بتمسك

ببعض وبس تبرد بتصير تتقطع متل الكيكة وبتقدري ترجعي تسخني القطعة اللي بدك تاكليها بالميكرويف

وهاي حجم الصينية بالصورة استخدمي اي صينية صغيرة عندك 

LEAVE A REPLY

Please enter your comment!
Please enter your name here

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.