انفجار بيروت في لبنان ماذا وقع ؟ - نبذة الإلكترونية التخطي إلى المحتوى
انفجار بيروت في لبنان ماذا وقع ؟
انفجار بيروت في لبنان ماذا وقع ؟

لو أنت لسه مش عارف أيه اللي بيحصل في لبنان حاليًا، خليني أقولك إن جزء من العاصمة بيروت اتدمر تمامًا تحت تأثير إنفجار هائل يحمل شكل شبيه بسحابة عيش الغراب الشهيرة للإنفجارات النووية.. وسواء كان الإنفجار ده بفعل فاعل، أو انفجار عادي بفعل خطأ، ف هو لسه محدش يعرف الحقيقة كاملة فين..

خليني أحكيلك الموضوع بالتفصيل، بس مبدئيًا وقبل أي حاجة، أنا قلبي واجعني جدًا من اللي هكتبه ده، بس هنقلكم الخبر بأكبر قدر ممكن من المعلومات اللي تخصه..

ربما تحتوي الصورة على: ‏‏‏‏‏سحاب‏، ‏محيط‏‏، ‏‏سماء‏، ‏‏ماء‏، ‏نشاطات في أماكن مفتوحة‏‏‏‏ و‏طبيعة‏‏‏

اللي حصل بالظبط هو إن اليوم بدأ يوم طبيعي زي أي يوم.. الناس ماشية عادي ف شوارع بيروت، بيفكروا ف أحوال بلدهم المتردية، اللي على شفا الإنهيار الإقتصادي بسبب الأزمة الاقتصادية اللي بتمر بيها بقالها فترة، وكمان وسط الاشتباكات الدائرة بين تنظيم حزب الله اللي هو جزء من الحكومة اللبنانية، وما بين الجيش الإسرائيلي بقالها أسبوع..

وفجأة وبدون سابق إنذار، سمعوا صوت انفجار كبير، بس مش أوي.. ف الناس قلبها وقع ف رجليها وافتكروا ان ده قصف إسرائيلي ولا حاجة.. وكله طلع كاميرات الموبايل عشان يصور اللي بيحصل بالظبط ايه.. وكلهم لقطوا صور سحابة دخان كثيفة جاية من ميناء بيروت.. سحابة كبيرة جدًا واصلة للسما فوق.. هتلاقيها فى الصور تحت

الناس قعدت تصور وهما مش مدركين اللي على وشك إنه يحصل.. اللي يستغفر الله، واللي يتشاهد، واللي ينده على حبايبه واللي حواليه وهو خايف من المشهد..

وفجأة، وبدون سابق إنذار، مجموعة انفجارات صغيرة تدوي جوه مركز الإنفجار اللي مغطيه الدخان، وقبل ما أي حد يلحق يفتح بقه بكلمة حتى، جه الإنفجار التاني..

إنفجار كارثي، أكبر من أي انفجار شهدته أي دولة عربية تقريبًا.. حتى لبنان اللي كانت متعودة على القصف الإسرائيلي، عمرها في تاريخها ما شافت مشهد زي ده..

ربما تحتوي الصورة على: ‏‏‏‏‏سحاب‏، ‏محيط‏‏، ‏‏سماء‏، ‏‏ماء‏، ‏نشاطات في أماكن مفتوحة‏‏‏‏ و‏طبيعة‏‏‏

الناس اللي بتصور من الشوارع ومن البلكونات ومن المراكب في المية ومن العربيات، فجأة شافوا انفجار عظيم هز لبنان كلها حسب كلام الناس، مش مجرد بيروت.. الأول بدأ بنور كبير وساطع عمى عيونهم لحظة، وبعدين انفجار وصل للسماء، وطلع معاه موجة تصادمية Shockwave كبيرة أشبه بالموجات اللي بتحصل بعد الإنفجارات النووية، ومعاها سحابة كبيرة من الدخان والنار البرتقالية، طلعت للسما على شكل سحابة عيش الغراب اللي بتميز الإنفجارات النووية محدودة المدى!!

الناس اللي بيصوروا قلبهم اتخلع من المنظر،واللي وقع، أو اللي قعد يصوت ويقول إنفجار نووي، ويتشاهد لثانية ولا اتنين، أو اللي حاول يهرب، كل ده في ثواني قليلة، قبل ما المرحلة التالتة تيجي..

المرحلة التالتة كانت موجة صوتية عظيمة مصاحبة للإنفجار، دمرت الإزاز بتاع البيوت والعربيات والفنادق والمحلات، وكل حاجة تقريبًا فيها إزاز.. غير إنها سببت صمم مؤقت لمئات من الناس اللي سمعوها!!

الصوت والتأثير بتاع الإنفجار حسب مصادر صحفية في صحيفة الجارديان اتكلموا مع ناس من مدينة لارناكا في جزيرة قبرص، وصلهم هناك.. تخيل انت!!

ربما تحتوي الصورة على: ‏شخص واحد‏

تأثير الإنفجار وصل لقبرص اللي على بعد ٢٤٣ كيلومتر من بيروت، عبر البحر المتوسط!!

حسب منظمة الصليب الأحمر اللبناني Lebanese Red Cross، فإن عدد الضحايا يقدر بالمئات، منهم ١٠ تم تأكيد موتهم في الدقايق الأولى، وغيرهم عشرات بيتم محاولة انتشالهم من تحت الأنقاض..

مروان عبود اللي هو محافظ بيروت، وصل لمكان الإنفجار، وبعدين عيط غصب عنه وهو بيتكلم مع الصحافة، وقالهم إن كان في فريق من رجال الإطفاء في منطقة الإنفجار، كانوا بيحاولوا يطفوا الحريق قبل الإنفجار التاني ما يحصل.. وبعد الإنفجار اتقطع الإتصال بيهم، ومحدش لاقيهم خالص، ولا حتى لاقيين أشلاءهم.. كإنهم اتبخروا..

وقال لصحفي لبناني وهو بيعيط وعينه مدمعة إن اللي حصل ده بيفكره باللي حصل في انفجار هيروشيما وناجازاكي في اليابان بسبب القنبلة النووية اللي رمتها عليهم أمريكا في نهاية الحرب العالمية الثانية.. وقال إن اللي حصل ده هو ما شافش زيه قبل كده سواء في القوة أو في الحجم ودائرة التأثير.. وعيط أكتر وهو بيقول إن دي كارثة قومية لبلد لبنان كلها، وللشعب اللبناني.. وإنهم مش عارفين هيعدوا منها ازاي في وسط الاقتصاد بتاعهم المنهار بالفعل..

وزير الداخلية اللبناني قال للصحافة بعدها إن غالبًا سبب الإنفجار هو كمية كبيرة من نترات الأمونيوم ammonium nitrate كان بيتم تخزينها في الميناء، وانفجرت..

لا يتوفر وصف للصورة.

الناس بعد الإنفجار كانت بتحاول تجري قي الشارع، عشان الأنقاض مفيش عربيات تقدر تعدي منها.. بيحاولوا يروحوا المستشفى القريبة عشان يتعالجوا، بس المستشفى رفضت استقبال معظم الحالات لإنها اتدمرت بتأثير الإنفجار بردو، ومبقاش عندها معدات طبية للإسعاف، ولا حتى غرف عناية مركزة..

عايز أقولك كمان إن الإنفجار دمر جزء من مطار بيروت وسبب خسائر فادحة فيه.. المطار اللي على بعد أكتر من ١٠ كيلو من مركز الإنفجار.. تخيل انت قوة إنفجار يدمر أجزاء من مطار على بعد ١٠ كيلو..

منظمة الصليب الأحمر في لبنان قالت انهم بيجيلهم اتصالات مش قادرين يردوا عليها كلها، وطلبوا من كل اللي يقدر يروح يتبرع بالدم في بيروت..

طبعًا إسرائيل طلعت نفت رسميًا علاقتها بالحادث، رغم إن لسه قبلها بنيامين ناتنياهو رئيس الوزراء الإسرائيلي كان بيتعهد حزب الله بالرد على اللي هما عملوه ف إسرائيل من أسبوع، وقالهم نصًا إنهم ياخدوا العبرة من رد الجيش الإسرائيلي على التطورات العسكرية الأخيرة على الحدود بين لبنان وإسرائيل.. شوف كلامه هنا:
https://bit.ly/2Xu8kwv

بس في ناس من بيروت قالوا انهم شافوا طيارة سودا معدية من فوق الميناء قبل الإنفجار بثواني.. ولقطوها صورة جوه فيديو.. هتلاقيها متعلم جوه الصورة على شكل الطيارة 👇

هل فعلًا بقى إسرائيل مالهاش يد في الموضوع؟!.. الله أعلم..

طب هل الموضوع ده له علاقة بالتظاهرات اللي كانت بتحصل في لبنان قدام وزارة الطاقة من المواطنين اللي بيطالبوا بمسائلة الحكومة في المجاعة والإنهيار الاقتصادي للي البلد واصلاله؟!

الله أعلم..

بس المشهد مخيف لدرجة الرعب، ومحزن لدرجة القهر..

لبنان الجميلة، اللي كانت قطعة من أوروبا.. بناسها الحلوين ومناظرها الطبيعية الخلابة وشوارعها النضيفة، بقت أشبه بساحة حرب بعد انفجار نووي.. العربيات مقلوبة في الشوارع ومحروقة، والمباني اتحولت لأنقاض وازازها كله اتكسر وبقى مغلف الأسفلت زي السجاجيد.. الناس من قوة الانفجار تايهين ومش عارفين يروحوا فين يستقبلهم ويداوي جراحهم..

لبنان على شفا السقوط، وده شيء ممكن يقتل الواحد حزنًا على البلد الشقيق الجميل ده..

قلوبنا معكم يا لبنانيين.. ربنا يصبركم ويخرجكم من الكارثة دي على خير.. ويحاسب المتسبب فيها بقدرته..

وربنا يرحم الضحايا برحمته التي وسعت كل شيء.

وهتلاقي كمان صورة من Google Earth بالقمر الصناعي بتوضح موقع الإنفجار تحت في الكومنتات 👇

ودي مصادر للأخبار العالمية اللي بتغطي الكارثة القومية دي، من معظم الصحف العالمية لو حابب تقرا عنها بتفاصيل أكتر:

https://www.bbc.com/news/world-middle-east-53656220

https://www.theguardian.com/…/beirut-explosion-huge-blast-p…

https://www.nytimes.com/…/middl…/beirut-explosion-blast.html

المصدر: متابعات

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Do NOT follow this link or you will be banned from the site!