#تحيا_حلب .. #حلب_لن_تموت - صحيفة نبذة الإلكترونية التخطي إلى المحتوى
#تحيا_حلب .. #حلب_لن_تموت

صحيفة نبذة الإلكترونية –متابعات

القلعة سكرت ع حالها الباب .. و على باب الحديد ,, وقف العتب و سكت الموَّال _ ليش عم شوف خصرك عم يميل ؟ _ مو طرب يا ابني ,, بس الجرح عم يكبر كل شوي الطيارة عم تغني برميل ,, و الهاون عم يرد اللحن المشفى صار بدو مين يداويها .. الأم .. في شوية دم ع جبينها ,, عم تدور ع لعبة بنتها بـ الأرض يمكن تلاقي بنتها !! الحيطان بطَّلت توقف .. كل شي صار يوقع كل شي عم يلعب مع الولاد تحت الانقاض ع السَّكت .. ريحة الغار المغبَّر ,, اختنق فيها ياسمين الشام و حلاوة حمص .. انحرمت من السكَّر _ ولادي ,, ولادي _ وينهن ولادك ؟ _ كانوا بـ البيت .. _ وين ؟ _ صاروا تحت حجار البيت ناس حرقت الدين و البلد .. و ناس كرَّهت الناس الدين بـ اسم الله حاجة لا تحموها اتركوها ,, اعتقوها ,, لعنتوا أبوها لا تقربوا ع البلد .. ما عاد بدنا جهاد بـ الدولار ,, و لا عاد بدنا يحكمنا ولد مين قلك أنو بتهمني ألوان !؟ أنا لوني سندويشة الزعتر فيروز و فنجان القهوة ,, كاسة الشاي ,, الكبب أنا لوني سهرة ع أم كلثوم .. ولاد عم تلعب بـ الحارة ,, صوت الآذان و جرس الكنيسة أنا لوني من القلعة لـ القلعة ,, من الأموي لـ الأموي من الشام لـ حلب ,, من حلب لـ الشام أهل حلب لـ حلب .. احرقي شعرك لا تقصيه ,, بعيد عن ضحكات أهلها اتركيها تتنفس ,, بخاف تتنجَّس بـ شعرك مين قلك بدي حلب تحترق !؟ مين قلك بدي حلب تنباد !؟ أنا بدي تشوف هالبلد بـ نظرة انسان .. الانسان يا عمي قليل ,, و الناس شو كتار الانسان .. بيرجع ريحة الغار ,, و ضحكة الصغار بيخلي القلعة تصبِّح ع حلب : ” صباح الخير ,, لا تخافي هاد صوت فيروز ” ” ما عاد في طيارة ,, ما عاد في هاون و رصاص ” و الشام تبشرها ب صوت يمر بـ كل محافظة و حارة : ” انطفت يا خيتو ,, انطفت النار “#تحيا_حلب .. #حلب_لن_تموت .. #حلب

..صحيفة نبذة الإلكترونية – نضعكم في قلب الحدث ونرصد الأخبار أول بأول التي تشهدها الساحة العربية خاصة أخبار مصر والسعودية، صحيفة نبذة الالكترونية نقدم الخبر بايجاز ليصلك بامتياز

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.